星期二, 3月 26, 2024
More

    傳聞木村拓哉為星戰電影試鏡

    備:為免有筆誤,本文保留原文撰寫用的「廣東話中文」

    引述蘋果日報香港,日本組合SMAP在去年出道25周年解散收場,木村拓哉單飛後嘅事業令人關注,近日有傳佢計劃進軍荷李活,更秘密試鏡爭演2019年上映嘅《星球大戰》(Star Wars)第9集,可能會係佢自王家衞作品《2046》及陳英雄執導嘅《I Come with the Rain》後,第三套接拍嘅海外電影。

    《星戰》第8集《星球大戰:最後絕地武士》(Star Wars:The Last Jedi)安排在今年12月上映,除了交代「天行者Luke」麥克咸美(Mark Hamill)同女主角「Rey」黛絲烈尼(Daisy Ridley)之間關係外,亦係「莉亞公主」嘉莉費莎(Carrie Fisher)嘅遺作,而暫定兩年後公開嘅《星戰》第9集,迪士尼方面正開始籌備拍攝。有日本傳媒爆料指,木村原來已獲邀到美國試鏡,雖然片商對故事內容十分保密,但估計其爭演之角色是個精通拳法嘅賢者,暫時未知角色係咪擁有原力嘅絕地武士,如果木村成功過關,佢會係繼《俠盜一號:星球大戰外傳》(Rogue One: A Star Wars Story)中嘅甄子丹同埋姜文後,再有亞洲演員擔任《星戰》重要角色。

    木村主演嘅日本古裝片《無限之住人》將於本月底開畫,早前有傳佢會同工藤靜香及兩個囡囡移居海外,懷疑此舉係鋪路進軍荷李活。報道又指,木村呢次爭演嘅《星戰》角色都幾重要,酬勞至少達3億日圓(約2070萬港元),同時會支付佢在拍攝期嘅生活費,獲得巨星級待遇。不過,甄子丹接拍《俠盜一號》時一度盛傳片酬遠勝同片拍檔,其實女主角菲莉絲迪鍾斯(Felicity Jones)先至係全片最高身價影星,估計菲莉絲迪酬勞達7位數美元。

    *************************************************

    在外傳電影Rogue One未公佈演員名單時,蘋果日報已比其他傳媒優先報導甄子丹參與的消息,雖參演的電影有誤,但參與的消息正確,因此以上消息可信性頗高。如消息正確,木村拓哉將會是第二位在迪士尼影業星戰電影中演出一線角色的亞洲演員。

    Man Kam
    Man Kamhttps://www.starwarsbase.com
    居住於香港的星戰毒男,沉迷於科幻及文字世界。夢想訪問George Lucas、一眾星戰導演及演員、參觀美國天行者牧場、提早退休寫書。

    相關報導

    最新報導

    YouTube 頻道